बलुचिस्तानमध्ये पाकिस्तानी सैन्याच्या कारवाईत ३५ स्वातंत्र्यसैनिक ठार !

क्वेटा (बलुचिस्तान) – पाकिस्तानी सैन्यदलाने बलुचिस्तानमध्ये एक गुप्त मोहीम राबवली आहे. या कारवाईत बलुचिस्तानमधील ३५ स्वातंत्र्यसैनिकांना ठार मारले असून ३ वरिष्ठ कमांडरना अटक करण्यात आली आहे. ही मोहीम मंगला जरघून परिसरात राबवण्यात आली.

बलुचिस्तान सरकारचे प्रवक्ते शाहिद रिंद यांनी क्वेटा येथे प्रसारमाध्यमांच्या प्रतिनिधींना सांगितले की, ही मोहीम १३ मे या दिवशी चालू झाली होती. गेल्या ४ दिवसांत ३५ आतंकवादी (स्वातंत्र्यसैनिक) मारले गेले आहेत. ही मोहीम प्रतिबंधित ‘तहरीक-ए-तालिबान पाकिस्तान’ आणि बलुचिस्तानमधील त्यांचे विविध गट यांच्याविरुद्ध होती. सुरक्षादलांनी मंगला जरघून परिसरातील आतंकवाद्यांचे अनेक तळ नष्ट केले आहेत.