तृणमूल काँग्रेसच्या कार्यालयात सापडली सरकारी भूमींची कागदपत्रे आणि १०० हून अधिक आधारकार्ड

कोलकाता (बंगाल) – येथील सॉल्ट लेक परिसरातील तृणमूल काँग्रेसच्या कार्यालयातून १०० आधारकार्ड आणि सरकारी भूमीच्या खरेदी-विक्रीशी संबंधित कागदपत्रे सापडली. पोलिसांनी घटनास्थळी पोचून सर्व आधारकार्डस आणि कागदपत्रे जप्त केली आहेत. स्थानिक लोकांचा दावा आहे की, ही आधारकार्ड याच परिसरातील लोकांची असून अनेक लोकांनी आधारकार्डस बनवतांना संपर्क केंद्र म्हणून तृणमूल काँग्रेसच्या कार्यालयाचा पत्ता वापरला होता.

अनेक वेळा लोक आधारकार्ड मागण्यासाठी गेले असता, त्यांना कार्ड अजून आले नसल्याचे सांगण्यात आले. लोकांचा आरोप आहे की, याच कारणामुळे ४ मे या दिवशी  त्यांनी पक्ष कार्यालयाला टाळे ठोकले होते. नंतर जेव्हा टाळे उघडण्यात आले, तेव्हा आतमध्ये १०० हून अधिक आधारकार्ड आणि अनेक कागदपत्रे सापडली.