राज्य परिवहन महामंडळ राज्यात २०० विद्युत्प्रभारण केंद्रे उभारणार !

मुंबई – राज्य परिवहन महामंडळाचे वर्ष २०३५ पर्यंत पूर्णपणे विद्युतीकरण करण्याचे उद्दिष्ट परिवहनमंत्री प्रताप सरनाईक यांनी घोषित केले आहे. याअंतर्गत राज्यभरात सार्वजनिक खासगी भागीदारी तत्त्वावर किमान २०० विद्युत्प्रभारण केंद्रे उभारली जाणार आहेत. भविष्यातील २० सहस्र ई-बसगाड्यांची आवश्यकता ओळखून ही केंद्रे महामंडळाच्या मोकळ्या जागांवर विकसित केली जातील. प्रकल्पांतर्गत विकासकांना जागा भाड्याने दिली जाईल. तेथे राज्य परिवहन महामंडळ बसगाड्यांसह खासगी वाहनांच्याही विद्युत् प्रभारणाची सोय असेल. यामुळे महामंडळाला पायाभूत सुविधांवर खर्च करावा लागणार नाही. भाडे आणि लाभ यांतून महसूल मिळेल.