बोरिवलीतील दुकानात तरुणींशी गैरवर्तन करणार्‍यांना मनसेकडून दम !

बोरिवली – येथील एका शॉपिंग सेंटरमध्ये २ तरुणींशी कर्मचार्‍यांनी उद्धट वर्तन केले. याविरोधात महाराष्ट्र नवनिर्माण सेनेने तीव्र निषेध नोंदवत संबंधित व्यवस्थापनाला जाब विचारला. मुंबईत व्यवसाय करतांना स्थानिक नागरिकांचा आणि विशेषतः महिलांचा सन्मान राखणे अनिवार्य असल्याचे मनसेकडून स्पष्ट करण्यात आले. कोणत्याही प्रांत किंवा भाषा यांच्या नावाखाली गैरवर्तन खपवून घेतले जाणार नाही, अशी चेतावणीही देण्यात आली. संबंधित व्यवस्थापनाकडून या प्रकरणात योग्य कारवाई करण्याची मागणी करण्यात आली असून भविष्यात अशा घटना टाळण्यासाठी कडक सूचना देण्यात आल्या आहेत.