कोट्यवधी रुपयांच्या सोन्यासह २ प्रवासी कह्यात !

मुंबई – येथील छत्रपती शिवाजी महाराज आंतरराष्ट्रीय विमानतळावर सीमाशुल्क विभागाने १ आणि २ मे या दिवशी तस्करीविरोधात मोठी मोहीम राबवली. अधिकार्‍यांनी केलेल्या कारवाईत कोट्यवधी रुपयांचे सोने, इलेक्ट्रॉनिक वस्तू आणि विदेशी सिगारेट जप्त करण्यात आल्या. यात २ प्रवाशांना कह्यात घेण्यात आले. हे सोने त्यांनी कपड्यांमध्ये आणि शरिरावर लपवून आणले होते.

Mumbai International Airport: 2 passengers detained with gold worth crores

Smuggling rackets must be completely unearthed and all those involved should be imprisoned.

Efforts must be made at the earliest to make Mumbai airport free from smuggling. pic.twitter.com/3138PTqE3z

— Sanatan Prabhat (@SanatanPrabhat) May 6, 2026

सीमाशुल्क अधिकार्‍यांनी एका विमानाची तांत्रिक झडती घेतली. विमानाच्या मागील बाजूस असलेल्या दोन शौचालयांच्या पडताळणीत विदेशी शौचालयाच्या आतील भागात चिकटपट्टीने गुंडाळलेली ८ पाकिटे अत्यंत चलाखीने चिकटवून ठेवल्याचे आढळले. त्यात सोने आणि इतर प्रतिबंधित वस्तू लपवलेल्या होत्या. तस्करांनी अवलंबलेली ही पद्धत पाहून अधिकारीही अवाक् झाले. जप्त केलेला सर्व माल सरकारी गोदामात जमा करण्यात आला आहे.