वाहतुकीच्या नियमांचे उल्लंघन; वर्षभरात १२ कोटी रुपयांचा दंड वसूल !

नाशिक – मार्च २०२५ पर्यंत वाहतुकीचे नियम न पाळणार्‍या ४३ सहस्र ७८९ वाहनांवर कारवाई करून एकूण १२ कोटी १ लाख ७० सहस्र ६६३ रुपये दंड वसूल करण्यात आला आहे, अशी माहिती प्रादेशिक परिवहन अधिकारी प्रदीप शिंदे यांनी प्रसिद्धीपत्रकाद्वारे दिली आहे. यामध्ये विनाशिरस्त्राण वाहन चालवणे, जादा भाराची मालवाहतूक करणे, अवैध प्रवासी वाहतूक करणे, विनापरवाना आणि मद्यप्राशन करून वाहन चालवणे या अंतर्गत कारवाई करण्यात आली.