नागपूर : महसूल साहाय्यकाला ५ लाख रुपयांची लाच घेतांना अटक !

नागपूर – येथील जिल्हाधिकारी कार्यालयातील एका भ्रष्ट महसूल साहाय्यकाला ५ लाख रुपयांची लाच स्वीकारतांना लाचलुचपत प्रतिबंधक विभागाने रंगेहात पकडले. २४ एप्रिलच्या रात्री ही कारवाई करण्यात आली. तक्रारदाराच्या बांधकामाचे प्रकरण निकाली काढण्यासाठी आरोपीने ५ लाख रुपयांची मागणी केली होती. ‘एसीबी’ने या तक्रारीची पडताळणी करून रात्री ११.३० च्या सुमारास सापळा रचला. आरोपीने लाचेची रक्कम स्वीकारताच त्याला पंचांसमक्ष घेण्यात आले. आरोपीकडून ५ लाख रुपये आणि आयफोन जप्त करण्यात आला.