सांगोला येथे ‘भगवान परशुराम  जन्मोत्सव’ उत्साहात साजरा !

सांगोला – येथे ‘भगवान परशुराम जन्मोत्सवा’निमित्त ब्राह्मण समाजाच्या वतीने विविध धार्मिक आणि सामाजिक कार्यक्रमांचे उत्साहात आयोजन करण्यात आले. सकाळी परशुरामाच्या प्रतिमेचे पूजन आणि अभिषेक करून कार्यक्रमाला प्रारंभ झाला. शहरातून भव्य दुचाकी फेरी काढण्यात आली. त्यानंतर विद्यार्थ्यांसाठी ‘रंगभरण’ आणि वर्क्तृत्व स्पर्धांचे आयोजन करण्यात आले. सांगोला पोलीस ठाण्याचे पोलीस निरीक्षक विनोद घुगे यांच्या हस्ते विद्यार्थ्यांना पारितोषिक देण्यात आले. ह.भ.प. श्रीकांत आरोळे महाराज यांनी व्याख्यानातून परशुरामाच्या जीवनकार्याविषयी उपस्थितांना मार्गदर्शन केले. कार्यक्रमाची सांगता महाप्रसादाने करण्यात आली.