सिंहस्थ कुंभपर्वाच्या कामांना अधिक गती देणार ! – मुख्यमंत्री देवेंद्र फडणवीस

नाशिक – सिंहस्थ कुंभपर्वाच्या अनुषंगाने नाशिक आणि त्र्यंबकेश्वर येथील कामे समाधानकारकरितीने होत आहेत. आगामी काळात या कामांना अधिक गती देण्यात येईल, असे मुख्यमंत्री देवेंद्र फडणवीस यांनी सांगितले. नुकतीच त्यांनी त्र्यंबकेश्वराचे दर्शन घेऊन पूजा केली. या वेळी अन्य मंत्रीही, तसेच काही संत-महंत उपस्थित होते.

मंदिर देवस्थानच्या वतीने मुख्याधिकारी योगेश जाधव, कैलास घुले, मनोज थेटे यांनी मुख्यमंत्री श्री. फडणवीस यांचा सत्कार केला.

त्र्यंबकेश्वर येथील विकासकामाच्या अनुषंगाने येथील सर्व आखाड्यांच्या महंतांशी लवकरच चर्चा करणार असून त्यासाठी बैठक घेणार असल्याचेही त्यांनी या वेळी सांगितले.