महसूल वाढीतील ‘ई-चलना’चा दुरुपयोग टाळण्यासाठी शासन अभ्यास करणार !

मुंबई – वाहतुकीच्या नियमांचे उल्लंघन केल्यावर ई-चलनाद्वारे दंडात्मक कारवाईसाठी तंत्रज्ञानाचा उपयोग आणि दंडात्मक कारवाई किती असावी ? तसेच महसूल वाढीसाठी ‘ई-चलना’चा होत असलेला दुरुपयोग टाळणे यांचा अभ्यास करून यामध्ये सुधारणषउा करण्यासाठी शासन प्रयत्नरत आहे. यासाठी गृह विभागाच्या अपर मुख्य सचिवांच्या अध्यक्षतेखाली शासनाने समिती स्थापन केली आहे. या समितीमध्ये गृह विभागाचे प्रधान सचिव, माहिती तंत्रज्ञान विभागाचे प्रधान सचिव, परिवहन आयुक्त आदी अधिकार्‍यांचा समावेश आहे. यामध्ये अन्य देश आणि भारतातील अन्य राज्ये येथील यंत्रणेचाही अभ्यास केला जाणार आहे.