Women’s Reservation Act : महिला आरक्षण कायदा लागू !

नवी देहली – महिलांना संसदेत ३३ टक्के आरक्षण देणारे ‘महिला आरक्षण अधिनियम-२०२३’ लागू केले. या संदर्भात केंद्र सरकारने १६ एप्रिलला रात्री उशिरा अधिसूचना प्रसारित केली.

केंद्र सरकारने महिला आरक्षण आणि परिसीमन यांच्याशी संबंधित ३ विधेयकांवर निर्णय घेण्यासाठी १६ ते १८ एप्रिल या कालावधीत संसदेचे विशेष अधिवेशन बोलवले आहे. यात पहिल्याच दिवशी, म्हणजे १६ एप्रिलला या विधेयकांवर जोरदार चर्चा झाली. लोकसभेच्या अध्यक्षांनी या विधेयकांवर चर्चेसाठी १५ घंट्यांचा वेळ निश्चित केला होता. पहिल्याच दिवशी दुपारी चालू झालेली ही चर्चा रात्री १ वाजेपर्यंत (एकूण १३ घंटे) चालली.

काँग्रेसकडून प्रियांका गांधी, गौरव गोगोई, वेणुगोपाल यांनी विधेयकाच्या विरोधात मते मांडली. यावर पंतप्रधान नरेंद्र मोदी यांचेही ३५ मिनिटांचे भाषण झाले. ते म्हणाले की, ‘परिसीमनामध्ये कोणत्याही राज्याशी भेदभाव केला जाणार नाही’, ही माझी हमी (गॅरंटी) आणि वचन आहे. विरोधक याचे श्रेय घेऊ शकतात.