वर्धा येथे सनातन संस्थेकडून डॉ. प्रवीण तोगाडिया यांचा सत्कार

वर्धा, १५ एप्रिल (वार्ता.) – भारताला हिंदु राष्ट्र करणे, देशात गोवंश हत्याबंदीचा कायदा करणे, आपत्काळात हिंदूंचे रक्षण करणे, १ लाख ‘हनुमान चालिसा केंद्रे’ चालू करणे आदी संकल्प घेऊन ‘आंतरराष्ट्रीय हिंदू परिषद’ तथा ‘राष्ट्रीय बजरंग दला’चे संस्थापक अध्यक्ष डॉ. प्रवीण तोगाडिया यांचा देशभर दौरा चालू आहे. या निमित्ताने ते वर्धा येथे आले असता १४ एप्रिल या दिवशी येथील स्वाध्याय मंदिराच्या सभागृहामध्ये त्यांचे मार्गदर्शन झाले. याप्रसंगी सनातन संस्थेच्या वतीने श्री. शशिकांत पाध्ये आणि श्री. दीपक जमनारे यांनी पुष्पगुच्छ आणि ‘हिंदु राष्ट्र क्यों आवश्यक है ?’, हा हिंदी ग्रंथ देऊन त्यांचा सत्कार केला.