राज्यातील हॉटेल-उपाहारगृहे यांना ५० टक्के गॅस पुरवठा होणार !

अन्न आणि नागरी पुरवठा मंत्री छगन भुजबळ यांची माहिती

मुंबई – राज्यातील हॉटेल आणि उपाहारगृहे यांना ५० टक्के गॅस पुरवठा होणार आहे, अशी माहिती राज्याचे अन्न, नागरी पुरवठा आणि ग्राहक संरक्षण मंत्री छगन भुजबळ यांनी दिली आहे. राज्यातील हॉटेल, ढाबे, उपाहारगृहे, औद्योगिक खानावळी, अन्न प्रक्रिया-दुग्धव्यवसाय, राज्यशासन किंवा स्थानिक स्वराज्य संस्था यांद्वारे चालवण्यात येणार्‍या अनुदानित खानावळी, ‘कम्युनिटी किचन’ (सर्वांसाठीचे स्वयंपाकघर) यांच्यासाठी ५० टक्के एल्.पी.जी. पुरवठा करण्याचे निर्देश केंद्र सरकारने दिले आहेत. ‘या आदेशाचे पालन केले जाईल’, असे छगन भुजबळ यांनी सांगितले. यामुळे हॉटेलचालकांना दिलासा मिळेल.