गोव्यातून २ विमान आस्थापनांच्या सेवा रहित

पणजी – अमेरिका, इस्रायल आणि इराण युद्धामुळे दाबोळी विमानतळावरील विमानसेवा विस्कळीत झाली आहे. भारतीय विमानतळ प्राधिकरणाने दिलेल्या माहितीनुसार ‘गल्फ एअर’ची दाबोळीकडे ये-जा करणारी सर्व उड्डाणे २६ मार्चपर्यंत रहित करण्यात आली आहे, तसेच ‘एअर इंडिया एक्सप्रेस’ने दुबईदाबोळी मार्गावरील उड्डाणे २८ मार्चपर्यंत रहित केली आहेत. प्राधिकरणाने प्रवाशांनी विमानतळावर जाण्यापूर्वी संबंधित एअरलाइन्सकडून उड्डाण वेळापत्रकाची अद्ययावत माहिती आणि फेरआरक्षण यांची निश्‍चिती करून घ्यावी, असे आवाहन केले आहे.