पुणे येथील ‘श्रीमंत दगडूशेठ’ गणपति मंदिरात गुढीपूजन !

पुणे – ‘श्रीमंत दगडूशेठ हलवाई सार्वजनिक गणपति ट्रस्ट’, ‘सुवर्णयुग तरुण मंडळ’ यांच्या वतीने गणपति मंदिराच्या ४२ व्या वर्धापनदिनी गुढीपाडव्याला मंदिराच्या प्रवेशद्वारात उभारण्यात आलेल्या भव्य गुढीचे पूजन मान्यवरांच्या हस्ते करण्यात आले. ‘परिमंडळ १’चे पोलीस उपायुक्त कृषिकेश रावले यांच्या हस्ते गणरायाची आरती करून गुढी उभारण्यात आली. या वेळी ट्रस्टचे अध्यक्ष सुनील रासने, कोषाध्यक्ष महेश सूर्यवंशी यांसह मंडळाचे पदाधिकारी आणि कार्यकर्ते उपस्थित होते. या वेळी गणेशयाग, अभिषेकांसह विविध धार्मिक कार्यक्रमांचे आयोजन करण्यात आले होते.