मुंबईत कोळशाच्या दरात ५० टक्क्यांनी वाढ !

मुंबई – येथे गॅस सिलिंडरच्या तुटवड्यामुळे कोळशाच्या दरात ५० टक्क्यांनी वाढ झाली आहे. कोळसा पूर्वी ३० ते ४० रुपये प्रतिकिलो दराने विकला जात होता, तो ५० ते ६० रुपये प्रतिकिलो दराने विकला जातो. काही ठिकाणी तर कोळशाचा दर ८० ते १०० रुपये इतका झाला आहे.

मुंबईत सिलिंडरसाठी २-३ दिवस रांगेत उभे रहावे लागते ! 

मालाडचे रहिवासी फुलबाबू झा यांनी सांगितले की, २० दिवसांपूर्वी गॅस सिलिंडर नोंदवलेला होता; पण २० दिवसांपेक्षा अधिक काळ होऊनही तो न मिळाल्याने ते गॅस एजन्सीच्या कार्यालयात गेले. तेथे त्यांच्या मित्राला सिलिंडरसाठी २ दिवस रांगेत उभे रहावे लागले. काहींना तर २ – ३ दिवस रांगेत थांबूनही सिलिंडर मिळत नाहीत.