Heavy Rain : उत्तर भारतात अनेक ठिकाणी वादळी पाऊस आणि गारपीट !

शिमला/डेहराडून/लक्ष्मणपुरी/भोपाळ – उत्तर भारतातील अनेक राज्यांत १९ अथवा २० मार्चला जोरदार पाऊस झाला. राजस्थान राज्य यात आघाडीवर असून राज्यातील १७ हून अधिक शहरांमध्ये वादळी वार्‍यासह पाऊस पडला. राज्यात काही ठिकाणी १९ मार्चच्या सायंकाळी गारपीट झाल्याने पारा ११ अंशांपर्यंत खाली घसरला. उत्तराखंडमधील यमुनोत्री, गंगोत्री, केदारनाथ आणि बद्रीनाथ या चारही धामांमध्ये चार दिवसांपासून बर्फवृष्टी चालू आहे.

मध्यप्रदेशात १५ हून अधिक जिल्ह्यांमध्ये २ दिवसांपासून गारपीट, पाऊस आणि वादळाचे सत्र चालू आहे. बिहार राज्यातील ३८ जिल्ह्यांमध्ये वादळी वार्‍यासह जोरदार पाऊस होत आहे.