राज्यातील ३०० हून अधिक नागरिक मध्यपूर्वेतून मायदेशी परतण्याच्या प्रतीक्षेत !

सांगली – मध्यपूर्वेतील युद्धजन्य परिस्थितीमुळे राज्यातील ३०० पेक्षा अधिक नागरिक दुबईत अडकले आहेत. इराण-अमेरिका संघर्षामुळे विमानसेवा बंद झाली असून नागरिकांचा परतीचा मार्ग बंद झाला आहे. भारत सरकारने हस्तक्षेप करून विशेष विमानसेवा किंवा पर्यायी व्यवस्था करून त्यांना मायदेशी आणावे, अशी मागणी केली आहे. अडकलेल्या नागरिकांमध्ये सांगली, कोल्हापूर, सातारा, इचलकरंजी, सोलापूर, धुळे, जळगाव, पुणे, बारामती येथील नागरिक आहेत. स्थानिक प्रशासनाकडून प्राथमिक सुविधा आणि साहाय्य दिले जात आहे. भारत सरकारने हस्तक्षेप करून विशेष विमानसेवेची मागणी केली आहे. आखातातून काही विमानांतून नागरिक परत आले आहेत. अधिक माहितीसाठी नियंत्रण संपर्क क्रमांक उपलब्ध करून देण्यात आले आहेत. (मंत्रालय नियंत्रण कक्ष क्र. ९३२१५८७१४३, व्हॉट्सॲप क्र. +९७१५०३६५४३५७)