मंदिरांवर भगवा ध्वज फडकवू नये ! – काँग्रेसचे नेते रमानथ राय यांचे धर्मद्रोही विधान

भगव्या ध्वजाला राजकीय पक्षाशी जोडण्याचा प्रयत्न !

उडुपी (कर्नाटक) : उडुपी येथील श्रीकृष्ण मठात साजरा केला जाणार्‍या ‘पर्याय’ या उत्सवामध्ये भगवा ध्वज फडकवल्याविषयी आक्षेप नोंदवत काँग्रेसच्या उडपी शाखेने जिल्हाधिकार्‍यांवर कारवाई करण्याची मागणी केली होती. यानंतर आता काँग्रेसचे नेते आणि माजी मंत्री रमानथ राय यांनी ‘मंदिरांवर भगवा ध्वज फडकवू नये’ असे धर्मद्रोही विधान केले आहे. राय म्हणाले की, ‘मंदिरांमध्ये भगव्या ध्वजासह कोणताही ध्वज फडकवू नका; मग तो काँग्रेसचा ध्वज असो वा भगवा ध्वज. कोणत्याही राजकीयप्रेरित ध्वजाचा धिक्कार केला पाहिजे, असे ते म्हणाले. त्यांच्या या विधानामुळे मोठा वाद निर्माण झाला आहे.

🚩 Saffron Under Attack, Faith Under Fire

🗣️ “Saffron flag should not be hoisted on temples!” an irreligious remark by a Congress leader Ramanath Rai, deliberately trying to brand the Bhagwa Dhwaj as a party symbol.

Today it’s “no saffron on temples”, tomorrow it could be “no… pic.twitter.com/DF6m4X2gP6

— Sanatan Prabhat (@SanatanPrabhat) January 23, 2026

यासंदर्भात दक्षिण कन्नड जिल्ह्याचे खासदार ब्रिजेश चौटा यांनी ‘एक्स’वर पोस्ट प्रसारित करत टीका केली आहे. ते म्हणाले, ‘एस्.डी.पी.आय.’च्या पाठीशी उभे रहाणार्‍या काँग्रेसवाल्यांना हिंदूंनी काय करावे ? आणि काय करू नये ?, हे सांगण्याचा अधिकार नाही. तुमचा सल्ला हिंदूंना नको आहे. आमचे सण आणि परंपरा कशा साजर्‍या करायच्या हे तुमच्याकडून शिकण्याची आम्हाला आवश्यकता नाही.’

सामाजिक माध्यमांवरही रमानथ राय यांच्या विधानाविषयी तीव्र संताप व्यक्त होत आहे. ‘काँग्रेसला भगव्या ध्वजाचा इतका द्वेष का? ‘पाकिस्तान झिंदाबाद’ म्हणणार्‍यांना मोकळे सोडले जाते; पण हिंदूंनी मंदिरांच्या उत्सवात भगवा ध्वज फडकवू नये, असे म्हटले जाते. आपण नेमकी कोणत्या देशात आहोत ?’ अशा शब्दांत अनेकांनी त्यांचा संताप व्यक्त केला आहे.