Anti Sikh Riots Case : काँग्रेसचे सज्जन कुमार यांची निर्दोष मुक्तता !

वर्ष १९८४ मध्ये झालेले शीख दंगलीचे प्रकरण

नवी देहली – वर्ष १९८४ मध्ये झालेल्या शीख दंगलीशी संबंधित जनकपुरी आणि विकासपुरी हिंसाचार प्रकरणात देहलीतील न्यायालयाने काँग्रेसचे नेते सज्जन कुमार यांची निर्दोष मुक्तता केली आहे. या हिंसाचारात २ जणांचा मृत्यू झाला होता. या प्रकरणी निकाल देतांना न्यायालयाने स्पष्ट केले की, या प्रकरणात पुरेसे पुरावे आढळले नाहीत. सज्जन कुमार यांच्या विरोधात आरोप सिद्ध होऊ शकले नाहीत. त्यामुळे सज्जन कुमार यांना सर्व आरोपांतून मुक्त करण्यात आले आहे. असे असले, तरी शीख दंगलीच्या अंतर्गत सरस्वती विहार येथील शिखांच्या हत्येच्या प्रकरणात त्यांना याआधी आजन्म कारावासाची शिक्षा सुनावण्यात आली होती. त्यामुळे ते सध्या कारागृहात आहेत.

1984 Sikh Riots Case
Congress leader Sajjan Kumar acquitted by a Delhi Court – Shocks riot victims’ families

A verdict in a deeply sensitive case, after 42 long years. Is justice still justice when it comes this late? ⚖️⏳

Note: Despite this acquittal, Kumar remains in jail,… https://t.co/hpRMd9PHDR pic.twitter.com/SWzDq4THRj

— Sanatan Prabhat (@SanatanPrabhat) January 22, 2026

१९८४ च्या दंगलीच्या प्रकरणी देशभरात अनेक गुन्हे नोंदवले गेले होते. जनकपुरी आणि विकासपुरी हिंसाचार प्रकरणात सज्जन कुमार यांचे नाव समोर आले होते; मात्र आता न्यायालयाने त्यांची सर्व आरोपांतून मुक्तता केली आहे.