सनातन प्रभात > Post Type > बातम्या > राष्ट्रीय बातम्या > ‘अखिल भारतीय घरवापसी’चे प्रमुख प्रबल प्रताप सिंह जुदेव यांचा ‘अटल भूषण पुरस्कार’ देऊन सन्मान !

‘अखिल भारतीय घरवापसी’चे प्रमुख प्रबल प्रताप सिंह जुदेव यांचा ‘अटल भूषण पुरस्कार’ देऊन सन्मान !

सन्मानामुळे ‘घरवापसी’ मोहिमेला आणखी बळकटी मिळेल ! – जुदेव

(घरवापसी म्हणजे अन्य धर्मांतून हिंदु धर्मात पुनर्प्रवेश)

प्रबल प्रताप सिंह जुदेव (सर्वांत उजवीकडे) यांना पुरस्कार प्रदान करतांना मान्यवर

नवी देहली – येथील पंतप्रधान संग्रहालयात झालेल्या एका भव्य समारंभात ‘राष्ट्रीय अटल फाऊंडेशन’ या संघटनेने ‘अखिल भारतीय घरवापसी’चे प्रमुख प्रबल प्रताप सिंह जुदेव यांना प्रतिष्ठित ‘अटल भूषण पुरस्कार’ देऊन सन्मानित केले. हा पुरस्कार माजी पंतप्रधान अटलबिहारी वाजपेयी यांच्या स्मृतीप्रीत्यर्थ दिला जातो. या प्रसंगी जुदेव म्हणाले की, या सन्मानामुळे ‘घरवापसी’ मोहिमेला आणखी बळकटी मिळेल. यासह राष्ट्र आणि सनातन धर्म यांप्रती असलेल्या समर्पणात नवीन ऊर्जा निर्माण होईल. येणार्‍या काळात घरवापसीचे कार्य आणखी दृढ निश्चय आणि जोमाने पुढे नेले जाईल.

‘राष्ट्रीय अटल फाऊंडेशन’ संघटनेचे कार्य !

‘राष्ट्रीय अटल फाऊंडेशन’ देशभरात अटल बिहारी वाजपेयी यांच्या आदर्शांचे जतन आणि प्रसार करण्याचे काम करते. युवा नेतृत्व, तसेच साहित्य आणि कविता यांना प्रोत्साहन देण्यासह सुशासन अन् विकास यांविषयी त्यांचे दृष्टीकोन जनतेपर्यंत पोचवण्यात ही संस्था महत्त्वाची भूमिका बजावते.

‘अटल भूषण पुरस्कार’ राष्ट्र आणि सनातन धर्म यांसाठी कार्य करणार्‍या सर्व महान व्यक्तींना दिला जातो, ज्यांनी स्वतःचे संपूर्ण जीवन समाज अन् राष्ट्र यांच्या कल्याणासाठी समर्पित केले आहे.

नूतन लेख