सिद्धिविनायक मंदिर ट्रस्ट १०० कोटी रुपयांना राम मॅन्शन इमारत खरेदी करणार !

शिर्डीच्या साईबाबा मंदिराप्रमाणे विकास करणार !

मुंबई – सिद्धिविनायक मंदिर ट्रस्ट १०० कोटी रुपयांना शेजारील राम मॅन्शन इमारत खरेदी करणार आहे. त्यामुळे मंदिर परिसरात १ सहस्र ८०० चौ. मी. अतिरिक्त जागा उपलब्ध होणार आहे. या परिसरात शिर्डी येथील साईबाबा मंदिराच्या धर्तीवर दर्शन कॉम्प्लेक्स, प्रसाद कक्ष, स्वच्छतागृहे यांसारख्या सुविधा उभारण्यात येणार आहेत. यासाठी सरकारची मान्यता मिळाली आहे. रहिवाशांना बाजारभावाच्या दुप्पट रक्कम देण्याची सिद्धता असल्याचे समजते.