Firozabad Kanwar Yatra : फिरोजाबाद (उत्तरप्रदेश) येथे अज्ञाताने कावड यात्रेच्या मार्गावर मांसाचे तुकडे फेकले

फिरोजाबाद (उत्तरप्रदेश) – फिरोजाबाद जिल्ह्यातील कोटला चौकाजवळील कावड मार्गावर २० जुलैला संध्याकाळी उशिरा मांसाचे तुकडे सापडल्याने तणाव निर्माण झाला. प्रशासनाने तातडीने त्या मार्गाची स्वच्छता करून परिस्थिती नियंत्रणात आणली.

पोलीस अधिकारी संजुल पांडे यांनी सांगितले की, काही समाजकंटकांनी कोटला चौकावरील उड्डाणपुलावरून मांसाचे तुकडे असणारी पिशवी खाली रस्त्यावर फेकली होती. या घटनेच्या अन्वेषणासाठी २ विशेष पथके नेमण्यात आली आहेत आणि आजुबाजूच्या सीसीटीव्ही चित्रीकरणाची तपासणी केली जात आहे.

संपादकीय भूमिका

हे अज्ञात कोण असणार, हे वेगळे सांगायला नको ! अशांच्या धार्मिक यात्रेत कुणी त्यांच्यासाठी निषिद्ध असणार्‍या प्राण्याच्या मांसाचे तुकडे फेकले, तर काय होईल ? हिंदू सहिष्णु असल्याने त्याचा सातत्याने आणि वर्षानुवर्षे गैरफायदा घेतला जात आहे !