कांगडा (हिमाचल प्रदेश) येथे सापडला जिवंत बाँब !

कांगडा (हिमाचल प्रदेश) – कांगडा जिल्ह्यात सनौर गावाजवळ रस्त्याच्या कडेला असलेल्या झुडपात एक मोर्टार बाँब आढळला. एका वाटसरूला हा बाँब दिसल्यानंतर त्याने याची माहिती पोलिसांना दिली. यानंतर बाँबशोधक आणि नाशक पथकाने हा बाँब निकामी केला. हा बाँब कोणत्या देशाचा आहे ? आणि तो तिथे कसा पोचला ?, हे अद्याप स्पष्ट झालेले नाही. पोलीस याची चौकशी करत आहेत.