अकोला येथील ४ सराफा व्यावसायिकांच्या दुकानांवर धाडी !

अमरावती, यवतमाळसह १७ ठिकाणी धाडी !

नागपूर – अकोला येथील ४ सराफा दुकानांवर आयकर विभागाच्या नागपूर आणि छत्रपती संभाजीनगर येथील अधिकार्‍यांनी धाडी घातल्या आहेत. १४ मे या दिवशी सकाळपासून ही कारवाई चालू आहे. या धाडीविषयी गोपनीयता ठेवली असल्याने अद्याप कुठलीही अधिकृत माहिती मिळालेली नाही.

अकोला शहरातील पुनम ज्वेलर्स, प्रकाश ज्वेलर्स, ईशा ज्वेलर्स आणि एकता ज्वेलर्सच्या संपूर्ण ग्रुपवर धाड घालण्यात आली. या ज्वेलर्सच्या अमरावती, यवतमाळ, परतवाडा येथील एकूण १७ ठिकाणी धाडी घालण्यात आल्या. धाडीच्या ठिकाणी स्थानिक पोलिसांचा बंदोबस्त आहे. या कारवाईतील अन्वेषणाचे धागेदोरे अकोल्यापर्यंत आले होते. त्यामुळे अकोला येथील कोठडी बाजारातील अशोकराज आंगडीया कुरियर सर्व्हिसवरही आयकर विभागाने धाड घातली होती.