Sanatan Prabhat Exclusive : मंदिरे सरकारीकरणापासून मुक्त करण्याची संतांची मागणी सरकारने गांभीर्याने घ्यावी ! – खासदार पू. साक्षी महाराज, भाजप

प्रयागराज, २५ जानेवारी (वार्ता.) – हिंदूंची मंदिरे सरकारीकरणापासून मुक्त व्हावीत, अशी सर्व संतांची मागणी आहे. स्थानिक पातळीपासून संसदेपर्यंत भाजप सत्तेत येण्यामध्ये संतांचे योगदान मोठे आहे. त्यामुळे मंदिरे सरकारीकरणापासून मुक्त करण्याची संतांची मागणी सरकारने गांभीर्याने घ्यावी, असे मत भाजपचे खासदार पू. साक्षी महाराज यांनी व्यक्त केले. महाकुंभमेळ्यामध्ये ‘सनातन प्रभात’ला दिलेल्या विशेष मुलाखतीमध्ये पू. साक्षी महाराज यांनी वरील मत व्यक्त केले.

या वेळी ‘वक्फ बोर्डा’विषयी विचारलेल्या प्रश्‍नावर पू. साक्षी महाराज म्हणाले, ‘‘वक्फ मंडळ रहित करण्यात यावे, अशी मागणी केवळ संत नव्हे, तर मुसलमानांकडूनही केली जात आहे. वक्फ मंडळ म्हणजे हिंदूंच्या मालमत्तेवर डल्ला आहे. वक्फ कायदा रहित करण्यासाठी संसदेमध्ये विधेयक मांडण्यात आले असून चर्चेकरता ते संयुक्त समितीकडे पाठवण्यात आले आहे. संसदेच्या येत्या अधिवेशनात याविषयी निर्णय होण्याची शक्यता आहे.’’