शाळेचे अध्यक्ष आणि सचिव तुषार आपटे यांना जामीन, तर दुसर्‍या प्रकरणात अटक

बदलापूर येथील शालेय विद्यार्थिनीवरील अत्याचाराचे प्रकरण !

बदलापूर – येथील नामांकित शाळेतील विद्यार्थिनींवर झालेल्या अत्याचार प्रकरणात सहआरोपी असलेले शाळेचे अध्यक्ष उदय कोतवाल आणि सचिव तुषार आपटे यांना ४४ दिवसानंतर अटक करण्यात आली. न्यायालयात त्यांना सादर केल्यावर न्यायालयाने त्यांना एका प्रकरणात जामीन संमत केला आहे, तर आणखी एका प्रकरणात पोलिसांनी त्यांना लगेच अटक केली आहे. त्याआधी न्ययाालयाने दोघांनाही १४ दिवसांची न्यायालयीन कोठडी सुनावण्यात आली होती. या कोठडीविरोधात त्यांनी जामिनासाठी अर्ज केला होता. न्यायालयाने एका प्रकरणात जामीन, तर दुसर्‍या प्रकरणात अटकेची अनुमती दिली आहे.