शालेय मुलीवर वाहनचालकाकडून अत्याचाराचा प्रयत्न !

पुणे – विद्यार्थ्यांची वाहतूक करणार्‍या वाहनचालक नागनाथ गायकवाड याने शाळकरी मुलीवर अत्याचार करण्याचा प्रयत्न केला. या प्रकरणी हडपसर पोलिसांनी त्याला अटक करून ‘पोक्सो’अंतर्गत गुन्हा नोंद केला आहे. पीडित मुलीच्या आईने हडपसर पोलीस ठाण्यात तक्रार प्रविष्ट केली आहे. २९ ऑगस्टला सायंकाळी शाळकरी मुलगी घरासमोर खेळत होती. खाऊ देण्याचे आमीष दाखवून मुलीला गाडीमध्ये घेऊन गेला. गाडीजवळ कुणीतरी आल्याची चाहूल लागल्याने गायकवाड मुलीला सोडून पळून गेला.