‘आय्.टी.आय्.’सह मुंबई उपनगरांतील महाविद्यालयांत युवतींना स्वसंरक्षण प्रशिक्षण देणार ! – मंगलप्रभात लोढा, पालकमंत्री

सप्टेंबर २०२४ पासून प्रशिक्षण चालू होणार

मुंबई – युवतींवरील वाढत्या अत्याचारांच्या पार्श्वभूमीवर मुंबई उपनगरातील सर्व महाविद्यालयांमध्ये, तर राज्यातील सर्व औद्योगिक प्रशिक्षण संस्थांमध्ये स्वसंरक्षण प्रशिक्षण देणार, अशी घोषणा कौशल्य विकासमंत्री मंगलप्रभात लोढा यांनी केली आहे. सप्टेंबर २०२४ पासून हे प्रशिक्षण चालू करण्यात येणार आहे. मुंबई उपनगर जिल्हाधिकारी कार्यालयातील एका कार्यक्रमाच्या वेळी २१ ऑगस्ट या दिवशी मंगलप्रभात लोढा यांनी ही माहिती दिली.