हुणसुरू (कर्नाटक) येथे जिहादी मानसिकतेत झपाट्याने वाढ ! – प्रमोद मुतालिक, संस्थापक, श्रीराम सेना

हुणसुरू – येथे लोकांच्या जिहादी मानसिकतेत झपाट्याने वाढ होत आहे. येथील जिहाद्यांकडून हिंदु युवकांची हत्या केली जात आहे, तसेच त्यांना आत्महत्या करण्यास भाग पाडले जात आहे. याविषयी सरकार आणि पोलीस विभाग यांनी सावध व्हावे, अशी चेतावणी श्रीराम सेनेचे संस्थापक प्रमोद मुतालिक यांनी दिली आहे.

हुणसुरू तालुक्यातील दासनपूर येथील रवि यांचा मुलगा मुत्तुराज याची जिहाद्यांनी नुकतीच हत्या केली होती. मुतालिक यांनी मृत मुत्तुराज याच्या कुटुंबियांची भेट घेऊन त्यांचे सांत्वन केले. ‘या प्रकरणात दोषींना शिक्षा झालीच पाहिजे. त्यासाठी हिंदु संघटनांकडून  कायदेशीर लढ्यासाठी सहाय्य करण्यात येईल’, असे मुतालिक यांनी सांगितले. त्यानंतर त्यांनी गावातील काही प्रमुखांना भेटून त्यांच्याशी चर्चा केली. काही दिवसांपूर्वी के.आर्. नगर येथील पुनीत या हिंदूची मुत्तुराज याच्याप्रमाणेच हत्या करण्यात आली होती. दोन्ही प्रकरणांमध्ये आक्रमण करणारे जिहादी होते.