साजणीतील अवैध फटाका कारखान्यावर धाड

शकीला मुजावर यांच्यावर गुन्हा नोंद

साजणी (जिल्हा कोल्हापूर) – येथील अवैध फटाका निर्मिती कारखान्यावर पोलिसांनी धाड टाकून १ लाख ६९ सहस्र रुपयांचा मुद्देमाल जप्त केला. या प्रकरणी पोलिसांनी शकीला महंमदशफी मुजावर हिच्यावर अवैधरित्या फटाके बनवणे आणि स्फोटक द्रव्य बनवण्याचे काम चालवणे अशा स्वरूपाचा गुन्हा नोंद केला आहे. पोलिसांनी अधिक पडताळणी केली असता त्यांना या कारखान्याच्या जवळच असलेल्या अन्य एका साठाकेंद्रात मोठ्या प्रमाणात ॲल्युमिनियिम पावडर, अर्धा पोते गंधक, वजनकाटा, लोखंडी चाळणी आणि फटाके आढळून आले.