Shama Parveen becomes Poonam : बरेली (उत्तरप्रदेश) : शमा परवीनने घरवापसी करून शिवम वर्मा याच्याशी केला विवाह !

कुटुंबियांच्या विरोधाला न जुमानता घर सोडले !

बरेली (उत्तरप्रदेश) – बिहार राज्यातील औरंगाबाद येथील शमा परवीन आणि उत्तरप्रदेशमधील बलिया येथील शिवम वर्मा यांचे एकमेकांवर प्रेम होते. त्यांच्या विवाहाला शमाच्या कुटुंबियांचा विरोध होता. शेवटी विरोधाला न जुमानता ती शिवमकडे आली आणि त्यांनी हिंदु धर्मानुसार विवाह रचला. शमाने या वेळी घरवापसी करत ती ‘पूनम’ झाली. वर्षभरापूर्वी बिहारच्या बक्सरमध्ये एका विवाहाच्या वेळी दोघांची भेट झाली आणि त्यांचे प्रेमसंबंध जुळले. विरोधामुळे घर सोडून ती शिवमसमवेत बरेली येथे आली. येथील मध्यनाथ येथे असलेल्या अगस्त्य मुनी आश्रमाचे आचार्य पंडित शंखधर यांनी त्यांचा विवाह लावून दिला.