कानपूर (उत्तरप्रदेश) १४ वर्षांच्या मुलीचे मौलानाकडून ४ महिने लैंगिक शोषण

गर्भवती झाल्यावर गर्भपाताची औषधे दिल्याने मुलीची प्रकृती बिघडली !

(मौलाना म्हणजे इस्लामचा अभ्यासक)

कानपूर (उत्तरप्रदेश) – येथे एका १४ वर्षीय मुलीचे गेल्या ४ महिन्यांपासून लैंगिक शोषण करणार्‍या सोनू हाफिज या मौलानाला अटक करण्यात आली आहे. ही मुलगी गर्भवती राहिल्यानंतर ही घटना उघड झाली होती. हाफिज याने या मुलीला गर्भपाताची औषधे दिली होती. यामुळे तिची प्रकृती बिघडल्याने तिला रुग्णालयात भरती करावे लागले होते.

पीडित मुलगी एक गरीब कुटुंबातील आहे. या कुटुंबाच्या घरासमोरच हाफिज रहातो आणि तो एका मशिदीत मौलाना आहे. तो या मुलीला खाण्या-पिण्याच्या वस्तू देण्याचे आमीष दाखवून घरी बोलवायचा आणि तिचे लैंगिक शोषण करायचा. विरोध केला असता, त्याने संपूर्ण कुटुंबालाच जिवे मारण्याची धमकी दिली होती.