पाबळ (जिल्हा पुणे) येथे २० गोवंशियांना कत्तलीपासून वाचवले !

 पाबळ (जिल्हा पुणे) – कत्तलीसाठी चाललेल्या २० गोवंशियांना पाबळ (ता. शिरूर) येथे शिक्रापूर पोलीस ठाण्याचे कर्मचारी आणि गोरक्षक यांच्या सतर्कतेमुळे जीवदान देण्यात आले. पोलिसांनी गोवंश वाहतुकीसाठी वापरलेल्या २ वाहनांसह, चालक आणि गोवंशीय यांना कह्यात घेतले आहे.

वाहनातील २० गोवंशियांना पांजरपोळमध्ये भरती करत गोवंशियांची वाहतूक करणार्‍या अभिजित पिंगळे आणि अतुल पिंगळे या दोघांवर गुन्हा नोंद करून त्यांना अटक करण्यात आली आहे. या प्रकरणी पोलीस शिपाई अमोल रासकर यांनी शिक्रापूर पोलीस ठाण्यात तक्रार दिली.