नाशिक येथे आतंकवादी संघटनांना पैसे पुरवणार्‍याला अटक !

नाशिक – भारतात बंदी असलेल्या आतंकवादी संघटनांशी संबंधित असलेल्या हुजेफ अब्दुल अजीज शेख याला आतंकवादविरोधी पथकाने अटक केली आहे. त्याच्यावर बंदी असलेल्या संघटनांना पैसे पुरवल्याचा आरोप आहे. अनेक खासगी आस्थापनांत त्याची भागीदारी आहे. सीरियामध्ये रहाणारी महिला रबिया उपाख्य उम ओसामाला तो पैसे पाठवत असल्याची माहिती आतंकवादविरोधी पथकाने दिली. त्याच्या घरातून ७ भ्रमणभाष, १ लॅपटॉप आणि पेन ड्राइव्ह जप्त करण्यात आले आहे. ३१ जानेवारीपर्यंत आतकंवादविरोधी पथकाची कोठडी देण्यात आली आहे.