वर्ष २०२४ मध्ये दक्षिणोत्तर भगवा फडकेल ! – राजेश क्षीरसागर

कोल्हापूर – राज्याचे मुख्यमंत्री एकनाथ शिंदे यांच्या नेतृत्वाखाली शिवसेनेची घोडदौड चालू आहे. मुख्यमंत्री एकनाथ शिंदे यांचे कोल्हापूर जिल्ह्यावर विशेष लक्ष आहे. शिवसेनेचे सर्व बालेकिल्ले पुन्हा मिळवण्यासाठी शिवसेना सज्ज असून वर्ष २०२४ मध्ये दक्षिणोत्तर शिवसेनेचाच भगवा फडकेल, अशी गर्जना राज्य नियोजन मंडळाचे कार्यकारी अध्यक्ष श्री. राजेश क्षीरसागर यांनी केली. शिवसैनिकांच्या उत्साही वातावरणात श्री. राजेश क्षीरसागर यांचा वाढदिवस साजरा करण्यात आला. त्या प्रसंगी ते बोलत होते. राज्याचे मुख्यमंत्री एकनाथ शिंदे यांनीही श्री. राजेश क्षीरसागर यांना दूरभाषद्वारे शुभेच्छा दिल्या.

तत्पूर्वी सकाळी श्री. राजेश क्षीरसागर आणि सौ. वैशाली क्षीरसागर यांनी करवीरनिवासिनी श्री महालक्ष्मीदेवीचे दर्शन घेतले. यानंतर सौ. वैशाली क्षीरसागर यांच्या हस्ते पांजरपोळ येथे गोमातेचे पूजन करून गायींना डाळ, गूळ, चारा यांचे वाटप करण्यात आले, तसेच शिवसेनेच्या वतीने अन्नदान करण्यात आले. या प्रसंगी हिंदु जनजागृती समितीचे श्री. शिवानंद स्वामी यांनीही श्री. राजेश क्षीरसागर यांना भेटून शुभेच्छा दिल्या.