आता करायची चरणी विसाव्याची भक्ती ।

‘एका साधिकेच्या मृत्यूचे वृत्त ऐकून काही क्षण माझे मन अस्वस्थ झाले; पण पुढच्याच क्षणी गुरुदेवांनी (सच्चिदानंद परब्रह्म डॉ. आठवले यांनी) मला काही ओळी सुचवल्या आणि मन शांत झाले.

जिथून आले, तिथेच जर जायचे ।
तर मृत्यूला कशाला घाबरायचे ।। १ ।।

अनंतातून आलो, अनंतात विलीन व्हायचे ।
जणू सगुणानंतर निर्गुण होऊन जायचे ।। २ ।।

पृथ्वीतळी या यात्रेकरू बनायचे ।
आनंद सार्‍यातील घेऊन कशात नाही अडकायचे ।। ३ ।।

देहा यातना अनंत होती या यात्रेत ।
मात्र मन आनंदी असावे सदैव ।। ४ ।।

प्रवास करूनी थकलो अंती ।
आता करायची चरणी विसाव्याची भक्ती’ ।। ५ ।।

– सौ. स्वाती संदीप शिंदे (आध्यात्मिक पातळी ६५ टक्के), सनातन आश्रम, रामनाथी, गोवा. (२९.७.२०२३)