जेजुरी (पुणे) – राज्यातील लाखो भाविकांचे कुलदैवत असलेल्या खंडेरायाच्या जेजुरीमध्ये १३ नोव्हेंबरला सोमवती यात्रेनिमित्त सहस्रो भाविक दर्शनासाठी आले होते. सकाळी ७ वाजता देवाच्या उत्सवमूर्तींच्या पालखी सोहळ्याने कर्हा स्नानासाठी प्रस्थान केले. या वेळी भंडार खोबर्याच्या उधळणीत सदानंदाचा जयघोष करण्यात आला. बंदुकीच्या फैरी झाडून सोहळ्याला सलामी देण्यात आली. १३ नोव्हेंबरला दुपारपर्यंत अमावास्येचा पर्वकाळ असल्याने परिसरात सकाळीच सोमवती यात्रा भरली होती. खंडेरायाचे मानकरी पेशवे, खोमणे, माळवदकर आदींनी पारंपरिक विधी केल्यानंतर खांदेकरी मानकर्यांनी उत्सवमूर्तींची पालखी उचलली. मुख्य मंदिराला प्रदक्षिणा घालून पालखी बालदारीत आणण्यात आली. देवाच्या पुजारी सेवकांनी उत्सवमूर्ती पालखीत ठेवल्यानंतर सोहळ्याने गडकोटाबाहेर प्रस्थान केले. दिवाळी सण, लक्ष्मीपूजन आणि सकाळीच सोहळ्याचे प्रस्थान राहिल्याने सोहळ्यात भाविकांची गर्दी अल्प होती. सोमवती यात्रेचे नियमित वारकरी, ग्रामस्थ मंडळी हे सोहळ्यात उपस्थित होते.
रश्मी शुक्ला पुन्हा एकदा राज्याच्या पोलीस महासंचालकपदी !
इंधन चोरीचा देशाच्या अर्थव्यवस्थेवर विपरीत परिणाम !
दिग्दर्शक नागराज मंजुळे यांना पुणे न्यायालयाकडून समन्स !
एकनाथ शिंदे मुख्यमंत्री व्हावेत, यासाठी शिवसेनेच्या आमदारांची मागणी !
आळंदी (पुणे) येथे २७ नोव्हेंबर या दिवशी पुरातन रथातून संतश्रेष्ठ ज्ञानेश्वर माऊलींचा वैभवी रथोत्सव !
कार्तिकी एकादशीनिमित्त आळंदीमध्ये भक्तांची मांदीयाळी !