(म्हणे) ‘१९ नोव्हेंबरला विमानातून प्रवास करणार्‍यांच्या जिवाला धोका असेल !’ - खलिस्तानी आतंकवादी गुरपतवंत सिंह पन्नू

खलिस्तानी आतंकवादी गुरपतवंत सिंह पन्नू याची भारताला धमकी

नवी देहली – खलिस्तानी आतंकवादी आणि ‘सिख फॉर जस्टिस’ या संघटनेचा प्रमुख गुरपतवंत सिंह पन्नू याने एका व्हिडिओ प्रसारित करून भारताला धमकी दिली आहे. त्याने म्हटले आहे की, १९ नोव्हेंबर २०२३ या दिवशी कुणीही एअर इंडियाच्या विमानातून प्रवास करू नये, अन्यथा त्यांच्या जिवाला धोका असेल. या दिवशी जागतिक नाकेबंदी असेल आणि तुमचा जीव धोक्यात पडू शकतो. देहलीतील इंदिरा गांधी विमानतळ बंद ठेवले जाईल आणि त्याचे नावही पालटले जाईल. याच दिवशी भारतात चालू असलेल्या विश्‍वचषक क्रिकेट स्पर्धेचा अंतिम सामना आहे.