कानपूर (उत्तरप्रदेश) येथील एका ख्रिस्ती शाळेत हिंदु विद्यार्थ्याला ख्रिस्ती बनवण्याचे षडयंत्र !

ख्रिस्ती शिक्षिकेकडून विद्यार्थ्यावर लैंगिक संबंधासाठी दबाव

कानपूर (उत्तरप्रदेश) – येथील सेंट अलॉयसियस नावाच्या ख्रिस्ती शाळेत दहावीत शिकणार्‍या एका हिंदु विद्यार्थ्याला ख्रिस्ती बनवण्याचे षड्यंत्र उघड झाले आहे. शाळेतील एका ख्रिस्ती शिक्षिकेने या विद्यार्थ्यावर लैंगिक संबंधासाठी दबाव टाकल्याचेही समोर आले आहे. हे प्रकरण समोर आल्यानंतर शाळा प्रशासनाने शिक्षिकेला निलंबित केले आहे. या प्रकरणी पोलीस पुढील अन्वेषण करत आहेत.

सौजन्य दिल्ली दर्पण टीव्ही 

पीडित मुलाच्या कुटुंबियांनी सांगितले,

१.  ४ मासांपूवी आमचा मुलगा घरी परतला, तेव्हा त्याची शेंडी कापलेली होती. हिंदु धर्म मानणार्‍या आमच्या मुलाने देवी-देवतांचा आदर करणे बंद केले होते. पुष्कळ विचारपूस केल्यानंतर मुलाने सांगितले की, शाळेतील एक ख्रिस्ती शिक्षिका त्याला चर्चमध्ये घेऊन गेली होती.

२. मुलाच्या भ्रमणभाषवरील संदेश पाहिले असता ती ख्रिस्ती शिक्षिका मध्यरात्री त्याच्याशी अश्‍लील बोलायची. त्याच्यावर शारीरिक संबंध ठेवण्यासाठी दबाव टाकायची. असे चाळे करून आमच्या मुलाचे धर्मांतर करण्याचा हा कट होता. आरोपी शिक्षिकेचा पती आणि भाऊ हे दोघेही या कटात सहभागी आहेत.

पोलिसांकडून गुन्हा नोंदवण्यास विलंब

अखिल भारतीय विद्यार्थी परिषदेने आरोप केला आहे की, शाळा प्रशासन हे प्रकरण दाबू इच्छित आहे. त्यामुळे या प्रकरणी गुन्हा नोंदवण्यास विलंब केला जात आहे. (धर्मांध ख्रिस्त्यांच्या ताटाखालचे मांजर बनलेले पोलीस. असे पोलीस हिंदूंवरील अन्यायाचे निवारण कसे करणार ? – संपादक) आम्ही मोर्चा काढून शाळा प्रशासनाकडे कठोर कारवाई करण्याची मागणी केली आहे.