सनातन प्रभात > Post Type > बातम्या > राष्ट्रीय बातम्या > बिहारमध्ये पोलिसांनी अपघातग्रस्त व्यक्तीचा मृतदेह पुलावरून खाली थेट ओढ्यात फेकून दिला !

बिहारमध्ये पोलिसांनी अपघातग्रस्त व्यक्तीचा मृतदेह पुलावरून खाली थेट ओढ्यात फेकून दिला !

पाटलीपुत्र (बिहार) – बिहारमध्ये अपघातामध्ये मृत झालेल्या एका व्यक्तीचा मृतदेह पोलिसांनी पुलावरून थेट खाली ओढ्यात फेकून दिल्याचा एक व्हिडिओ सामाजिक माध्यमांतून प्रसारित झाला. या वेळी हे दृश्य स्थानिक नागरिक शांतपणे बघत असल्याचेही यात दिसत आहे. (चुकीच्या गोष्टींना विरोध करण्याचे नागरिकांचे धाडस नसणे, हे सर्वांत मोठी लोकशाही असणार्‍या देशाला लज्जास्पद आहे ! – संपादक) ८ ऑक्टोबर या दिवशी  बिहारमधील मुझफ्फरपूर येथील फाकुली ओपी भागात ही घटना घडली. या संदर्भात पोलिसांनी प्रसारित केलेल्या निवेदनानुसार, मृतदेहाचे काही भाग आणि कपडे एकात-एक अडकले होते. ते काढणे अशक्य झाल्यामुळे ते बाजूच्या ओढ्यात फेकून देण्यात आले. (या ठिकाणी एका पोलिसाचा किंवा एखाद्या नेत्याचा अपघात झाला असता, तर पोलिसांनी असेच कृत्य केले असते का ?- संपादक)

संपादकीय भूमिका

अशांना पोलीस म्हणावे कि कसाई ? अशा पोलिसांना अटक करून त्यांना कारागृहात डांबले पाहिजे !

नूतन लेख