(म्‍हणे) ‘चंद्रयान मोहीम पूजा, तंत्र, होम हवनमुळे नाही, तर अचूक तंत्रज्ञानामुळे यशस्‍वी होईल!’

चंद्रयान मोहिमेला शुभेच्‍छा देतांना अंनिसकडून हिंदु धर्माचा अपमान !

मुंबई – चंद्रयान-३ मोहीम यशस्‍वी होण्‍यासाठी कोट्यवधी भारतीय नागरिकांनी प्रार्थना केली, तसेच जगभरातील अनेक देशांनी चंद्रयान-३ मोहिमेसाठी शुभेच्‍छा दिल्‍या. अंधश्रद्धा निर्मूलन समितीनेही इस्रोला शुभेच्‍छा देतांना नेहमीप्रमाणे हिंदु धर्माचा अपमान करून हिंदूंच्‍या श्रद्धेशी खेळण्‍याचा प्रयत्न केला आहे. या संदर्भात अंनिसने फेसबुकवर दिलेल्‍या पोस्‍टमध्‍ये लिहिले आहे की, चंद्रयान मोहीम यशस्‍वी होण्‍यासाठी पूजा, तंत्र, होम हवन उपयोगी ठरणार नसून अचूक तंत्रज्ञानच ही मोहीम यशस्‍वी करू शकेल.