देहलीत दिवसाढवळ्या बंदुकीच्या धाकावर चोरांनी लुटले २ लाख रुपये !

नवी देहली – देहलीच्या प्रगती मैदान बोगद्यात दोन दुचाकींवरून आलेल्या चार चोरट्यांनी एका व्यक्तीची चारचाकी गाडी रोखून बंदुकीच्या धाकावर २ लाख रुपये लुटले. देहली पोलिसांनी दिलेल्या माहितीनुसार ही घटना २४ जूनच्या दुपारी ३ वाजता घडली. त्याचा व्हिडिओही प्रसारित झाला आहे. पोलिसांनी अज्ञात आक्रमणकर्त्यांच्या विरोधात गुन्हा नोंद केला आहे. हा बोगदा अनुमाने दीड किलोमीटर लांब असून १६ सुरक्षारक्षक बोगद्याचे रक्षण करतात. हा बोगदा नवी देहलीला सराय काले खान आणि नोएडा यांच्याशी जोडतो. घटनेच्या वेळी बोगद्याच्या प्रवेशद्वारावर दोन सुरक्षारक्षक तैनात होते.