अतिक अहमद याची दीड सहस्र कोटी रुपयांची संपत्ती जप्त !

हत्या झालेला कुख्यात गुंड अतिक अहमद

प्रयागराज (उत्तरप्रदेश) – नुकतीच हत्या झालेला उत्तरप्रदेशमधील कुख्यात गुंड अतिक अहमद याची आतापर्यंत दीड सहस्र कोटी रुपयांची संपत्ती केंद्रीय यंत्रणांची जप्त केली आहे. यातील काही संपत्ती अतिक याच्या नावावर, तर काही त्याच्या जवळच्या लोकांच्या नावावर होती. या संपत्तीमध्ये रोख रक्कम, दागिने, भूमी आणि इमारती यांचा समावेश आहे. अतिक याने ही संपत्ती गुंडगिरीद्वारे अवघ्या २० वर्षांत गोळा केली होती.

संपादकीय भूमिका

गुंडगिरीद्वारे इतकी संपत्ती गोळा होईपर्यंत त्याला पाठीशी घालणारे भ्रष्ट पोलीस, प्रशासन, मंत्री आणि राजकीय पक्ष यांच्यावरही कारवाई होणे आवश्यक !