कोल्‍हापूर – दख्‍खनचा राजा म्‍हणून प्रसिद्ध असलेल्‍या श्री जोतिबा देवस्‍थान येथील जोतिबा देवाच्‍या यात्रेस १ एप्रिलपासून प्रारंभ होत आहे. १ एप्रिलला धार्मिक विधी आणि पालखी प्रदक्षिणा यांना प्रारंभ होत आहे. मानाच्‍या सासनकाठ्या हे यात्रेचे प्रमुख आकर्षण असते. या सासनकाठ्याही लवकरच कोल्‍हापुरात येण्‍यास प्रारंभ होईल. यंदाच्‍या वर्षी ‘आर्.के. मेहता ट्रस्‍ट’च्‍या वतीने ४ ते ६ एप्रिल या कालावधीत अन्‍नछत्राचे आयोजन करण्‍यात आले आहे. हे अन्‍नछत्र जोतिबा डोंगरावरील जिल्‍हा परिषदेच्‍या जुन्‍या शासकीय विश्रामधाम येथे चालू असणार आहे. बुधवार, ५ एप्रिल या यात्रेच्‍या मुख्‍य दिवशी पहाटे ५ वाजता शासकीय महापूजा होईल, तर दुपारी १२ वाजता परंपरेनुसार दुपारी १२ वाजता पालकमंत्र्यांच्‍या हस्‍ते मानाच्‍या सासनकाठीचे पूजन होईल.
पूजनानंतर सासनकाठ्या यमाई मंदिराकडे रवाना होतात. यानंतर पुढच्‍या काही दिवसांमध्‍ये पाकाळणी, पालखी सोहळा होईल. पाकाळणीच्‍या निमित्ताने जोतिबा देवाची खडी पूजा बांधण्‍यात येते. पालखी सोहळा १६ एप्रिलपर्यंत चालू राहील. पश्‍चिम महाराष्ट्र देवस्‍थान व्‍यवस्‍थापन समितीच्‍या वतीनेही यात्रेची सिद्धता करण्‍यात येत असून दर्शनरांगा, वाहनतळाची सुविधा, तसेच अन्‍नछत्राची व्‍यवस्‍था करण्‍यात येत आहे.
रायगड जिल्ह्यात १७ ठिकाणी सामूहिक गदापूजन !
हिंदु जनजागृती समितीच्‍या वतीने मुंबई आणि पालघरमध्ये २० ठिकाणी गदापूजन !
ठाणे जिल्ह्यात हनुमान जयंतीनिमित्त सनातन संस्थेच्या वतीने व्यापक धर्मप्रसार !
कोल्‍हापूर येथील श्री जोतिबाची वर्षातील सर्वांत मोठी चैत्र यात्रा उत्साहात पार पडली !
हनुमान जयंतीच्या निमित्ताने कोल्‍हापूर जिल्ह्यात १७७ ठिकाणी गदापूजन !
डॉ. वीरेंद्रसिंह तावडे यांचा जामीन रहित होण्यासाठीच्या आवेदनावर युक्तीवाद चालू