‘सप्‍टेंबर २०२१ पासून गुरुकृपेने माझ्‍याकडून ‘ज्ञानशक्‍ती प्रसार अभियाना’च्‍या अंतर्गत सनातनचे मोठे ग्रंथ आणि लघुग्रंथ यांच्‍या वितरणाची सेवा झाली. यासाठी एका साधिकेने मराठी, हिंदी आणि इंग्रजी ग्रंथांची नावे अन् त्‍यांचे मूल्‍य असलेली सूची बनवली. ‘ज्ञानशक्‍ती प्रसार अभियाना’च्‍या अंतर्गत ग्रंथांच्‍या वितरणाच्‍या सेवेसाठी केलेले प्रयत्न आणि आलेल्या अनुभूती पुढे दिल्‍या आहेत.
१. ग्रंथांच्‍या वितरणाच्‍या सेवेला जाण्‍यापूर्वी भावजागृतीचा प्रयोग करणे
प्रथम मला गुरुदेवांचे (परात्‍पर गुरु डॉ. आठवले यांचे) स्‍मरण होत असे. तेव्‍हा मी एक छोटासा भावजागृतीचा प्रयोग करत असे. त्‍यामध्‍ये मी कधी ‘सूक्ष्मातून गुरुदेवांच्‍या नखाच्‍या पोकळीत बसून चैतन्‍य ग्रहण करत आहे’, तर कधी ‘गुरुदेव दत्तरूपात माझ्‍या समोर असून त्‍यांना आळवत आहे’, असे प्रयोग करत असे. त्‍यानंतर मी गुरुदेवांना प्रार्थना करून सेवेला जात असे.
२. वेगवेगळ्‍या ठिकाणी ग्रंथांच्‍या वितरणाचे नियोजन करणे
अ. मी नोकरीच्‍या ठिकाणी जेवणाच्‍या सुटीत ग्रंथांच्‍या वितरणासाठी प्रयत्न चालू केलेे. त्या वेळी मी काही मोजकेच ग्रंथ माझ्‍या समवेत नेत असे. तेव्‍हा ‘ते ग्रंथच गुरुकार्य करत असत’, असे मला वाटायचे. मी जिज्ञासूंना ग्रंथसूची दाखवत असे. मी प्रतिदिन माझ्‍या नवीन सहकार्‍याला भेटत असे. तेव्‍हा सरासरी २ – ३ ग्रंथ वितरित होत असत. मी इंग्रजी भाषिकांना इंग्रजी आणि मराठी भाषिकांना मराठी ग्रंथसूची दाखवून ग्रंथांची मागणी घेत असे.
आ. मी आगगाडीतून येता-जाता ग्रंथांचे वितरण करत असे.
इ. मी वैयक्तिक कामासाठी सोनार आणि शिंपी यांच्‍याकडे गेल्‍यावर तिथेही ग्रंथ दाखवत असे.
ई. मी आधुनिक वैद्यांकडेही ग्रंथांचे वितरण करत असे.
३. सद़्‍गुरु अनुराधा वाडेकर आणि पू. (सौ.) संगीता जाधव यांनी वेळोवेळी दिशादर्शन केल्‍यामुळे प्रतिदिन ग्रंथांचे वितरण होणे
सद़्‍गुरु अनुराधा वाडेकर आणि पू. (सौ.) संगीता जाधव यांनी मला वेळोवेळी दिशादर्शन केले. त्‍यामुळे गुरुकृपेनेच प्रतिदिन ग्रंथांचे वितरण व्‍हायचे. त्‍यातून मला आनंद आणि चैतन्‍य मिळून दुसर्‍या दिवशी सेवा करण्‍यासाठी उत्‍साह मिळत असे. संपूर्ण अभियानात लघु आणि मोठे, असे पुष्‍कळ ग्रंथ वितरित झाले.
‘ज्ञानशक्‍ती प्रसार अभियाना’च्‍या अंतर्गत ग्रंथांच्‍या वितरणाची सेवा गुरुदेवांनी करून घेतली’, त्‍याबद्दल त्‍यांच्‍या चरणी कोटीशः कृतज्ञता !’
– सौ. वनिता धोत्रे, मुलुंड, मुंबई. (३०.१२.२०२२)
|
सच्चिदानंद परब्रह्म डॉ. आठवले यांच्यावर दृढ श्रद्धा ठेवून स्वतःच्या तिन्ही मुलांना पूर्णवेळ साधना करण्‍यासाठी प्रोत्साहन देणार्या आणि स्वतःही पूर्णवेळ साधना करणार्या श्रीमती संध्या बधाले (वय ५० वर्षे) !
श्रीसत्शक्ति (सौ.) बिंदा नीलेश सिंगबाळ यांच्‍या प्रती दृढ श्रद्धा ठेवून व्यष्टी साधनेचे प्रयत्न भावपूर्णरित्या करून अल्पावधीतच ६१ टक्के आध्यात्मिक पातळी गाठलेल्या रामनाथी (गोवा) येथील सनातनच्या आश्रमातील सौ. राधा घनश्याम गावडे (वय ५० वर्षे) !
साधकांनो, ‘व्यष्टी साधनेचे प्रयत्न चांगले केल्यास समष्टी साधनाही चांगली होते’, हे लक्षात घेऊन व्यष्टी साधनेचे प्रयत्न वाढवा !
अनेक जन्मांचे पुण्यफळा आले । अनसूयेच्या कुशीत त्रिदेव निजले ।
घरात चोरी होऊनही गुरूंवरील दृढ श्रद्धेमुळे त्या प्रसंगाला शांतपणे सामोरे जाणारे जळगाव येथील ६१ टक्के आध्यात्मिक पातळीचे श्री. भिकन मराठे (वय ४५ वर्षे)!
जळगाव येथील श्री. वेदांत सोनार (वय २० वर्षे) याला साधनेतून आनंद मिळू लागल्याने त्याने गुरुचरणी व्यक्त केलेली कृतज्ञता !