कोपरखैरणे – मागील ३० वर्षे सनातन संस्‍थेच्‍या माध्‍यमातून निरपेक्ष आणि सेवाभावी वृत्तीने राष्‍ट्र अन् धर्म कार्य करणार्‍या कोपरखैरणे येथील सनातनच्‍या साधिका सौ. तनुजा यादव यांचा ८ मार्च या दिवशी महिलादिनाच्‍या निमित्ताने सन्‍मान करण्‍यात आला. महाराष्‍ट्र शासनाचा उच्‍च आणि तंत्र शिक्षण विभाग, राज्‍याचे ग्रंथालय संचालनालयाचा मुंबई विभाग, ठाणे येथील जिल्‍हा ग्रंथालय आणि नवी मुंबई येथील प्रा. माणिकराव कीर्तन वाचनालय यांच्‍या वतीने जागतिक महिलादिनाच्‍या निमित्ताने समाजातील कर्तृत्‍ववान महिलांचा सत्‍कार करण्‍यात आला. यामध्‍ये सौ. तनुजा यादव यांनाही गौरवण्‍यात आले. वाशी येथील साहित्‍य मंदिराच्‍या सभागृहात हा कार्यक्रम झाला.
या वेळी सौ. तनुजा यादव यांसह विविध क्षेत्रांतील कर्तृत्‍ववान महिलांचा सन्‍मानचिन्‍ह देऊन सन्‍मान करण्‍यात आला. नवी मुंबई महानगरपालिकेच्‍या अतिरिक्‍त आयुक्‍त श्रीमती सुजाता ढोले यांच्‍या हस्‍ते या कार्यक्रमाचे उद़्‍घाटन झाले. ग्रंथालय संचालनालयाच्‍या मुंबई विभागाच्‍या साहाय्‍यक संचालिका श्रीमती शालिनी इंगोले या अध्‍यक्षा म्‍हणून कार्यक्रमाला उपस्‍थित होत्‍या. कोपरखैरणे येथील रा.फ. नाईक विद्यालयाचे प्राचार्य रवींद्र पाटील, ठाणे येथील जिल्‍हा ग्रंथालय अधिकारी प्रशांत पाटील हे मान्‍यवर या वेळी व्‍यासपिठावर उपस्‍थित होते.
मराठीला अभिजात भाषेचा दर्जा न देणार्या महाविकास आघाडीच्या राजकारणापासून सावध रहावे ! – नरेंद्र मोदी
हिंदु राष्‍ट्र समन्वय समितीच्या जिल्‍हा संयोजकांच्या शिबिराचा गोव्यात शुभारंभ !
वर्ष २०११ मधील ‘उटा’ संघटनेच्या आंदोलनातील जाळपोळ प्रकरणी बरकत अली कह्यात
‘पोर्शे’ कार अपघातातील अरुणकुमार सिंह याला १८ नोव्हेंबरपर्यंत पोलीस कोठडी !
आंतरराष्ट्रीय सायबर टोळीला पिंपरी-चिंचवड पोलिसांनी केली अटक !
आनंदी, ज्ञानी आणि बलवान महाराष्‍ट्र करण्याचे मनसेचे निवडणूक घोषणापत्र प्रसिद्ध !