दर्शन घेणे आणि तेल वहाणे यांसाठी भाविकांकडून ५०० रुपये घेण्‍याचे प्रकरण
नगर – शनीशिंगणापूर येथे चौथर्‍यावर जाऊन तेल वहाण्‍यासाठी आणि चौथर्‍याजवळ दर्शनासाठी भाविकांकडून श्री शनैश्‍वर देवस्‍थान ट्रस्‍ट ५०० रुपये आकारत आहे. सर्वच भाविकांना समान वागणूक आणि विनामूल्‍य दर्शन मिळावे, यासाठी १४ जानेवारी या दिवशी विश्‍व हिंदु परिषद आणि बजरंग दल यांनी शनैश्‍वर मंदिराच्‍या चौथर्‍याजवळ आंदोलन केले. तसेच भाविकांना चौथर्‍यावर जाण्‍यासाठी विनामूल्‍य दर्शन चालू केले. यामुळे भाविकांमध्‍ये आनंदाचे वातावरण निर्माण झाले होते. या आंदोलनात भाविकांनी उत्‍स्‍फूर्तपणे सहभाग घेतला होता. आंदोलनानंतर मंदिर प्रशासनासह झालेल्‍या बैठकीत प्रशासनाने याविषयी लवकरच योग्‍य निर्णय घेण्‍याची सकारात्‍मकता दर्शवली आहे. पुढील मासात योग्‍य तो निर्णय घेतला जाईल, असे देवस्‍थानचे उपकार्यकारी अधिकारी नितीन शेटे यांनी आश्‍वासन दिल्‍यानंतर आंदोलन मागे घेण्‍यात आले.
‘दरवाजा नसलेल्‍या गावात दर्शनासाठी पैसे भरण्‍याचा दरवाजा आम्‍हाला मान्‍य नाही. फेब्रुवारीत सर्वांना विनामूल्‍य दर्शन न दिल्‍यास तीव्र आंदोलन केले जाईल’, अशी चेतावणीही विहिंप आणि बजरंग दल यांनी दिली आहे. ‘शनैश्‍वर देवस्‍थान ट्रस्‍ट हे भाविकांकडून चौथर्‍यावर जाऊन तेल वहाण्‍यासाठी प्रत्‍येकी ५०० रुपये घेत असून यातून भाविकांची आर्थिक लूट विश्‍वस्‍त मंडळाकडून होत आहे. असे केल्‍याने भाविकांच्‍या धार्मिक अधिकारांवर गदा येत आहे’, अशा आशयाचे निवेदनही यापूर्वी विश्‍व हिंदु परिषद आणि बजरंग दल यांच्‍या वतीने देवस्‍थानला देण्‍यात आले होते.
या वेळी विश्‍व हिंदु परिषदेचे जिल्‍हा अध्‍यक्ष डॉ. दिलीप शिरसाठ, जिल्‍हामंत्री श्रीकांत नळकांडे, बजरंग दल जिल्‍हा संयोजक अश्‍विनीकुमार बेल्‍हेकर, सहमंत्री विशाल वाघचौरे आणि अन्‍य पदाधिकारी, कार्यकर्ते यांनी आंदोलनात भाग घेतला.
संपादकीय भूमिका
|
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्हापूर येथील श्री महालक्ष्मीदेवीची करण्यात आलेली विशेष रूपातील पूजा !