नवी देहली रेल्वे स्थानकाच्या फलाटावरील खोलीत महिलेवर सामूहिक बलात्कार :  ४ कर्मचार्‍यांना अटक

नवी देहली – येथील रेल्वे स्थानकावरील फलाटावर असणार्‍या खोलीत मध्यरात्री एका महिलेवर सामूहिक बलात्कार करण्यात आला. या प्रकरणी पोलिसांनी ४ रेल्वे कर्मचार्‍यांना अटक केली आहे. यांतील दोघांनी बलात्कार केला, तर अन्य दोघांनी त्यांना साहाय्य केले. पीडित महिलेची काही दिवसांपूर्वी एका आरोपीशी ओळख झाली होती. त्याने तिला रेल्वे स्थानकावर बोलावून घेतले होते. त्याने फलाटावरील लहान पुलाच्या खाली असणार्‍या खोलीत नेऊन तिच्यावर बलात्कार केला.