मीरारोड येथे भाजपच्या अल्पसंख्याक विभागाच्या महिला प्रदेशाध्यक्षांवर आक्रमण

ठाणे, १९ जुलै (वार्ता.) – भाजपच्या अल्पसंख्यांक विभागाच्या महिला प्रदेशाध्यक्षा सुलताना खान यांच्यावर १७ जुलैच्या रात्री ११ वाजता मीरारोड परिसरात २ अज्ञात इसमांनी दुचाकीवरून येऊन जीवघेणे आक्रमण केले. आक्रमणकर्त्यांनी सुलताना यांची चारचाकी थांबवली आणि सुलताना यांना शिवीगाळ करत धारदार शस्त्राने आक्रमण केले. यात त्या गंभीर घायाळ झाल्या असून त्यांच्यावर रुग्णालयात उपचार चालू आहेत. आरोपी पसार झाले आहेत.